Vår fortid - Speiding gjennom WAGGGS-kløveren

Start gjerne aktiviteten med å spørre speidarane om dei veit korleis det ser ut (tips: mange har emblemet sydd på speidarskjorta si!). Fortel speidarane om betydninga av dei ulike elementa:

Nåla representerer ei kompassnål som viser veg.
Stilken representerer ein flamme for medmenneskelegdom.
Dei to stjernene representerer Speidarløftet og Speidarlova.
Dei tre blada representerer det trefoldige Speidarløftet som originalt vart avgitt av Robert
Baden-Powell.

Fargen gull på blå bakgrunn representerer sola som skin på alle barna i verda.

Aktivitet for dei minste:

Utstyr

• Ein WAGGGS-kløver utan fargar til kvar speidar (print ut vedlegg)
• Blå og gule/gullfarga fargeblyantar eller tusjar
• Ekstra ark

Målet til speidarane er å få tak i begge fargane dei treng for å fargelegge
WAGGGS-kløveren. For å få den gule/gullfarga fargeblyanten må speidaren fortelle om ei god gjerning dei har gjort den siste veka. For å få den blå fargeblyanten må speidaren skrive eller teikne noko som minner dei om fred.

Aktivitet for dei større:
Førebuing
Print ut vedlegga slik at det blir eitt sett til kvar speidar (eventuelt eitt til kvar patrulje). Klipp arket med dei gule elementa opp i fire delar slik at ein kan gi ut eitt og eitt element, men la speidarane sjølv gjere finklippinga av sjølve elementet når dei får det.

Utstyr

• Kompass
• Saks
• Tau til å lage knute med
• Ein plakat eller eit ark med Speidarløftet og Speidarlova på

Slik gjer du
Målet til speidarane er å få tak i alle elementa dei treng til å lage WAGGGS-kløveren. Dei kan gjere det åleine, eller som patrulje.

For å få nåla skal speidarane bruke kompasset til å finne ut kva retning som er nord.

For å få stilken skal speidarane fortelle om ei god gjerning dei har gjort den siste veka.

For å få stjernene skal speidarane lese Speidarløftet og Speidarlova. Saman med patrulja
eller ein annan speidar skal dei lage ein presentasjon av det dei har lest, anten ved å
teikne/måle det, eller ved å dramatisere det.

For å få blada skal speidarane lage ein båtmannsknop.

Se heftet for aktivitetspakken Tenkedagen 2025 her